Bizning tashkilotimiz jahon miqyosidagi nufuzli tadbir — “Dunyo Lider Ayollari Assotsiatsiyasi (World Women Leaders Association)” ning 80 yillik yubiley Kongressida munosib tarzda taqdirlandi. Ushbu tarixiy tadbir doirasida tashkilotimizga O‘zbekiston Milliy Prezidenti mukofoti topshirildi hamda Assambleya a’zoligiga rasmiy ravishda qabul qilindi.
Assotsiatsiya ustaviga binoan, har bir davlatdan faqat bitta tashkilot a’zolikka qabul qilinadi. Shu bois bu e’tirof nafaqat bizning jamoamiz uchun, balki butun O‘zbekiston ayollari, yetakchilari va faol jamiyat vakillari uchun ham katta faxrdir.
Mazkur yutuq bizning tashkilotimizning xalqaro miqyosdagi faoliyatini, ijtimoiy tashabbuslarini va ayollar liderligini rivojlantirish yo‘lidagi fidokorona mehnatini e’tirof etishdir. Dunyo miqyosida tan olinayotgan ushbu mukofot bizni yangi marralar sari ilhomlantiradi.
Biz bundan buyon ham mamlakatimiz nomini munosib himoya etib, ayollar salohiyatini oshirish, ularning ijtimoiy, siyosiy va iqtisodiy hayotdagi rolini yanada kuchaytirishga hissa qo‘shishda davom etamiz.
Bu yutuq bizning ayollar liderligini rivojlantirish, jamiyatda faol ishtirokni kengaytirish yo‘lidagi sa’y-harakatlarimiz xalqaro darajada tan olinganini ifodalaydi. Bu yutuq — bizning jamoamizning mehnati, ishonchi va fidoyiligi samarasi. Tashkilotimiz nomi endilikda dunyo sahnasida yangradi, va bu faxrli voqea biz uchun yangi bosqichning boshlanishidir!